DOC

PRESS INFORMATION BUREAU(1)

By Renee Cruz,2015-01-17 22:05
16 views 0
PRESS INFORMATION BUREAU(1)

     1

    PRESS INFORMATION BUREAU

    GOVERNMENT OF INDIA

    **********

     thDated Aizawl, 28 October, 2004.

    CLEAN TRAIN STATION OUTSOURCING

    Tun fiscal year chhung hian Clean Train Station tia vuah 21 ah Indian Railways chuan outsourcing a kalpui dawn a, Ratlam a Pilot Project ang thova thawh a ni ang.

    Station 21 te chu hengte hi an ni: Bhusaval & Ballarshah (Central Railway), Patna & Mughalsarai (East Central Railway), allahabad, Kanpur & Jhanshi (North Central Railway), Gorkhapur & Lucknow Junction (North Eastern Railway), Guwahati & Alipurduar (North East Frontier Railway), Erode (Southern Railway), Vijaywada (South Central Railway), Rourkela (Sout Eastern Railway), Hubli (South Western Railway), Ahmedabad (Western Railway), Itarsi (West Central Railway).

    Tun financial year chhunga department mawhphurhna hnuaia dah Clean Train Station thlanchhuah 28 awmsa a heng station te hi belhchhah an ni.

     Clean Train Station hetia buatsaih a awm ta hian hmun hla zawk pana chhuak rel tinte an zinchhuah hun darkar 6-8 chhung zawnga stationa an din lai kara then thianghlim an nih theih beiseina avang a ni.

28.10.04

    EMPLOYMENT EXCHANGE A IN REGISTER TE

    Ram chhung hmun hrang hranga employment exchange te hnen atanga thu dawn danin July 2004 khan mi nuai 409.20 in hming an ziaklut a, Junte thla khan mi nuai 407.83 an n. Heng thla hnih chhung hian mi nuai 0.11 hnaa thun an ni.

    Rualbanlote puala employment exchange buatsaihah July 2004 khan mi 1292 in hming an ziaklut a, mi 119 te chu hnaa thunluh an ni a. Heng exchange a live register a July thla tawp thlenga rualbanlo inziaklut zawng zawng te chu 1,12,788 an ni a. Hetih laiin vocational rehabilitation centre hrang hrangah hemi thla vek hian rualbanlo 983 dahluh an ni bawk a ni.

28.10.04

    TPDS THUAM THAT A TUL A NI : SHARAD PAWAR

    STATE FOOD MINISTERS' CONFERENCE TAN A NI TA

    Minister of Consumer Affairs, Food & Public Distribution, Pu Sharad Pawar-a chuan Targeted Public Distribution System (TPDS) hlawhtling taka kalpuina tur atan chuan kawng hrang hranga distriution hnathawh mekte vil that leh fair price shop te thuam that a ngai, tiin State Food Minister ten October ni 28 a Conference an hmanna hawngin a sawi. Riltam hmabaka awm mekte hi TPDS hian hneh takin a dapchhuak vek anga, mi baihvai leh in leh lo neilo te pawhina ration an hmuh ve theih nan hma kan lak ran a tul hle a ni, a ti bawk.

    PDS tan bika buh bal lak pena awm thin nia vuivaina lo lutte hi chik zawka kan chhui a tul thu minister chuan sawiin a hun taka TPDS atanga buh leh bal semchhuah thin chu he harsatna

     2

    pumpelh dan tha ber chu a ni, a ti. Hemi atan pawh hian agency hrang hrangten TPDS hi an enthlak leh chhui chian thin a tha hle a ni.

    State sawrkar tinte chuan nodal officer an ruat theuh tur a ni a, chu officer chuan welfare scheme zawng zawngten an buh mamawh zat a chhinchhiah ta thin anga, tin thlatina an mamawh turte thehlut vek zelin mamawh ang zat chiahte a thlenna hmun tur dik taka thlentir thlip thlep an ni tur a ni. State chhunga stock lut reng rengte chu thuneituten a huhovin dawngsawng sela, hei hian buhfai fair average quality (FAQ) aia hniamte paihbovin hmun danga SGRY/PDS buh bal eiral tam zualna lamah pawh rorelna fel leh tha zawk kalpui theihin a rinawm a ni. State Minister tinte Pu Pawar-a hian chahin state tharchhuah buhfai reng rengte decentralized procurement a kalpui zawk turin a ngen a, hei hian tualchhung loneitu te tan quintal khat tina Rs. 100 a lakluh sak thei dawn a ni.

    Minister of State (F&PD) Dr. Akhilesh Prasad Singh chuan tun aia nasa zawka PDS nawr kal chu tha a tih thu sawi ve bawkin ram chhung hmun tinah hei hian buh leh bal a hun takah a semchhuak thei dawn a. Hmun thenkhata buh leh bal a hnianghnar hle laia thenkhat an lo tam thin thu a dawn dan a sawi bawk. Prof Abhijit Sen, Planning Commission Member pawhin PDS chu fakina hma aia chak zawka kalpui zel tha a tih thu a lo sawi ve bawk. Mitin mitang, BPL chhungkuate nen lamina an kham khawp eitur an hmuh theihna turin fair price shop te hian mawh an phur hle a ni, a ti.

    PDS thuam tha tura rela State Food Secretary te September ni 17 a an inhmuhkhawm bawhzuina leh thlirletnaa he meeting hi kalpui chhunzawm zelin state tina BPL estimate te ennawna BPL chhungkua te chhinchhiah chu a thiltum zinga zeh a ni a. Fair price shop hrang hranga STD booth, LPG/Khawnvartui distribution siam belh te pawh rel bawk a ni a. Tin, hmeichhe pawl te, ex-servicemen te hi fair price shop licence pekchhuah dawna an ngaihven hmasak tura te chu an ni ang. Heng bakah hian bank credit te, central sawrkar atanga retail commission chantir thlenga ration dawrte chungthu hi ngaihtuah tel a ni nghe nghe.

28.10.04

'KAN THIL TAWN THEUHTE ATANGIN I INZIRTIR TAWN ANG U' TIIN SAARC

    THUTHAR LAKHAWMTUTE PRIME MINISTER IN A CHAH

    Mipui leh mipui indawngsawnga thawhhona duhawm taka ram bung hrang hrangte hi kan indawr thin tha a tih thu Prime Minister, Dr. Manmohan Singh-a chuan SAARC editor leh thuthar lakhawmtute kawmin ni 28 khan a sawi a. Kan thil tawn leh hriatte theuh hi inthleng tawnin kan inzirtir tawn tur nia a hriat thu Prime Minister hian a sawi a ni. Khawvel ram dang, ram changkang zawkte chanchin hre thin mahse anmahni ram dinhmun leh chanchin lamah an beng a ngawn leh tlat thin avangin mipui leh mipuite hi an inbe pawpin an indawngsawng reng reng tur a ni, Dr. Singh-a chuan a ti.

    Zawhna lo lutte chhangin economy zau taka chhuah zalenna chu a let zawnga her theih a ni lova, sawrkar pathum ngawt inchherchhuante pawhin helam kawng an lo dai duh tawh lohzia Dr. Singh-a chuan a tarlang. Zawhna dang chhang lehin a uchuaka inventhawnna chu thlauhthla turin SAARC ramte a chah a, SAARC theihna a puma hailan a nih na tur chuan kan ram tinte kan tihchangkan deuh deuh a tul a ni, tiin Prime Minister chuan a sawi bawk a ni. Infrastructure leh delivery system lama sulsutua kan tan thar a ngai a, tin private enterprise te dinchhuah na turin boruak duhawm zawk kan siam a tul bawk a ni, a ti.

    Heng thuthar lakhawmtute hi 28 a neih SAARC ramte tan bika Editors and Working Journalists Conference vawi 2-na hmangin New Delhi an rawn tlawh a ni.

     28.10.04

     3

    PU RAGHAVAN-A PRIME MINISTER IN A SUN

    Rajya Sabha MP boral ta Pu V.V. Raghavan-a chu Prime Minister, Dr. Manmohan Singh-a chuan a sunzia lantirin Pu Raghavan-a fapa hnenah hetiang hian lehkha a thawn a :

    'Pu V.V. Raghavan-an mual min liamsan ta hi Parliament leh a party tan mai nilo, India ram pum tana channa nasa tak a ni takmeuh meuh a, he ram rawngbawl hi a rilru luahtu ber a lo ni thin. Parliament a a thawhrahte leh ram zalenna sualtu a nihna te angin kan thinlungah hian a dai tawh ngai lovang.'

     28.10.04

MIPUITE INKARA BORUAK THA THLENTU, RETHEIHNA UMBONA HMANRUA

    ATAN MEDIA HI : REDDY

    Union Minister for Information & Broadcasting leh Culture, Pu S. Jaipal Reddy-a chuan SAARC thuthar lakhawmtute hmaah he Indian subcontinent huamchhunga chengte tana boruak tha leh muanawm siam turin an mawhphurhna a san zia SAARC ram chhunga Editor leh Working Journalists Conference vawi hnihna hawngin a tarlang a ni.

    Retheihna a nasat hle lai karah hmasang ata tawha kan rin dan leh ngaihdan thalo zawk te kan la chhawm nung zel hi a pawi hle a, thuthar thehdarhnain hmalam a pan takah chuan retheihna umbona hmanraw tangkai takah a hman theih ta a, ngaihdan hlui leh hrisello te thaluhtlak thuai a nih a beiseiin, media chu thil tha zawk ching chhuak tu ni ngei turin a duhsakna a hlan a ni.

    SAARC ram huam chhunga thuthar lakhawmtute chu zalen taka an chet phalsak tha a ti a, he an zalenna hian politics lama ngaihdan hrang hrang piangte pawh kawng dik kawhhmuhtu lo niin mipui rilru rualkhai takin a siam thei dawn a, chu ngei chu retheihna umbona hmanrua atana hman a duhawm hle a ni, Pu Reddy-a chuan a ti bawk.

    Technology leh media lamin hma a sawna a zuana a zuan mek lai hian he ram bial chhunga harsatna hrang hrangte sutkianna hmanraw tha tak a nih ngei I&B Secretary, Pu Navin B. Chawla pawh chuan a rin tlat thu a sawi.

    SAARC Secretariat aiawhin Pu Pradhumana Shah chuan Information Minister Conference a thurel lo awm tawhte sawilanna a nei a. Nepal ramah SAARC information centre dinin a awm tawh thu te, chu chuan member ram hrang hrangte chanchin inhrilh tawnna lama a tangkai tur zia te a sawi tel nghe nghe a. Conference Chairman kal chhuak ta , Bangladesh mi Pu Enayetullah Khan-a chuan inbiakpawhna lama harsatna awmte sawiin, member ramte inkara media hnathawh chu tun aia tha zawka kalpui a tul hle a, mahni a ro inrelchawp a nih avangin helam kawngah hian SAARC pawh a tangkai hle niin a ngai.

    Conference chairperson, Pi Shakuntala Mahawal, Principal Information Officer chuan south asia ram bial chhunga media hnathawh hrang hrang hriatthiamna zau zawk leh hmasawnna tur lama he rorelna hian a tanpui a rin tlat thu a sawi.

    Conference hian ni hnih awhin, member ramte zinga print leh electronic media chawikanna tur te, conference lo awm leh tura hun hman dan tur, SAARC recognised regional media forum din leh Bangladesh in papar a buatsaih, SAARC Media Development Fund siam rawtna te thlirho a ni a. Nakum December thlaa Tunis khawpuia neih tur Information Society puala World Summit a thehluh tur print media chungchanga SAARC ramte ngaihdan thuhmun pawh thlirho a ni bawk.

     4

    1998 a action plan buatsaiha lo awm tawha kha tunlai thiamna sang zel karah famkim tawk ta lova ngaiin information leh media lam thlurin a bik taka action plan ennawn leh chu conference chhung ngei hian huaihawt a ni a. April 2004 a Thimpu khawpuia TV leh Radio lam thuneitute inhmukhawm chuan plan thara sengluh tur engemawzat an lo chhawpchhuak tawh nghe nghe a ni. SAARC media training academy thuam that leh ICT sector a human resource development thanlenna kawnga training buatsaih te, e-government lam nasa zawka kalpui tura member chawh thawh te, TV leh radio lama digital technology zawi zawia sengluh te pawh an putluh bakah print media tan rawtna thuhmun thehluh a ni.

    Bangladesh, Bhutan, India, Nepal, Pakistan leh Sri Lanka atanga palaite conference ah hian kalkhawmin India palaite hi Pi Shakuntala Mahawal, Principal Information Officer chuan a hova, ani hi he conference chairperson atana dah thar a ni nghe nghe.

28.10.04

    SENIOR CITIZENS SAVINGS SCHEME A THUBELH

    Sawrkar chuan Senior Citizens Savings Scheme ah hetiang hian thubelh eng engemaw a siam :

    Mi, a hnathawh atanga chawl ta, kum 55 a chin chunglam leh kum 60 hnuai lamte scheme hian a huam anga, chung miten deposit chuan retirement benefit emaw, cheng nuai sawmpanga a chin emaw a huam ang.

    Hna atanga chawl tawh reng rengte chuan November 26, 2004 a scheme kalpui a nih tan atanga thla khat chhungin investment an tan thei ang.

    Defence Service atanga chawt tate pawhin scheme zar hi an zo thei dawn a ni.

    Account siam a nih reng rengin nominee te thlalak leh signature lak tur a ni.

    Dan leh inkaihhruaina hrang hrang hrechiang duhte chuan Finance Ministry website, www.finmin.nic.in ah en theih a ni.

    6.5% Savings (Non-taxable) Bonds, 2003 hnuaia investment siamreng reng, July 10, 2004 a withdraw a nih hun thlengin a puitlin thlengin scheme in a tarlan angin interest lak theih a ni.

28.10.04

    COMMONWEALTH ASSOCIATION FOR PUBLIC ADMINISTRATION AND

    MANAGEMENT LAWMMAN INDIA IN A DAWNG

    Kum 2004 atana Commonwealth Association for Public Administration and Management (CAPAM) in lawmman semna a huaihawt ah India ram chu lawmman dawng tura thlan chhuahte zingah a tel ve a. October 27 khan Singapore khawpuiah lawmman te hi sem a ni a, a thupuiah "Innovations in Governance" chu dah a ni.

    India in lawmman dawn theihna lai nia a hmun thuma a thehluh te zinga hmun hnih chu lawmman dawng thei tura thlan an ni a, heng thupui hnihte hi 'Gujarat Earthquake Reconstruction Project', Golden Award latu leh 'E Seva in Andhra Pradesh', Silver Medal latute chu an ni. A titha zual 14 te zingah heng thupui thehluh hi telin Singapore leh Australia atangin pahnih ve ve, Canada, Jamaica, Malaysia, Malta, New Zealand, South Africa leh UK atangin thupui khat theuhte chu a titha zualte an ni.

     5

    Gujarat Earthquake Reconstruction Project

    Kum 2001 Gujarat lirnghinga chhawmdawl leh tundin hna Gujarat Sawrkarin a kalpui chuan chhiat rupna dawnsawn kawnga kan inrelbawl dan a her danglam hle a, mipuite thawhhona kawngah te, hna thawh langtlang leh hlawk tak takte programme kalpui laia hmuha awm hi a chhinchhiah tlak hle.

E Seva in Andhra Pradesh

    Electronic Governance, Digital Governance tia vuah bawka hi rorelna atana Information Technology hlawk taka chhawrna chu a ni a, hei hi mipuite tan pawh a thain a remchang hle a ni. Hun a heh lovin a lothlawna sum senralna a tinep a, ISO 9001:2000 certified a ni aG2C leh B2C service te rualkhai taka kai khawmin governance a titlova, a titlawm a ni.

    Commonwealth Association for Public Association and Management (CAPAM) chuan kum 1998 ata tawh Biennial International Innovations Award Programme a lo huaihawt tawh thin a, sawrkar reform hrang hrang siamthain a member ramte inbiakpawhna leh indawrna lamah pawh rawngbawlna tha chungchuang tak a lo nei thin a ni.

    Ministry of Personnel, Public Grievances and Pensions pawh CAPAM member a nihna angin Union leh State sawrkar hnathawh tha te CAPAM award dawng thei turin a lo sponsor thin a. India chuan kum 1998, 2000 leh 2002 ah te khan Gold Medal a lo la tawh nghe nghe a ni. CAPAM headquarter hi Toronto a nghah a ni a, non-profit academic association a ni a, commonwealth ram hrang hrangte leh ram dangte nen public sector management thuthar an inthleng tawn thin a ni.

28.10.04

    EDUCATION TAN STATE EDUCATION MINISTER TE AN INHAWNG ZAU

SARVA SHIKSHA ABHIYAN HLAWHTLINNA HI POLITICS IN A DAL TUR A NI LO :

    ARJUN SINGH

    Party inthliarna ramri pelin state leh union territory education minister zawng zawngten October ni 28 khan elementary education mitin tana siam turin remtihna thu thlungin thawhho dan tur an rel a. He inkhawm hi nilenga neih a ni a, minister te chuan an state te theuhva kalphung an lo hman thinte sawilangin central tanpuina dawng ngei tura a hma aia nasaa thawh leh programme tihlawhtling tura nawr chu an rel. State tam berin tun anga fund pawh la dawn chhunzawm zel nise an ti a, Five Year Plan hun chhung zawh hnuah pawh kalpui zel nise tha an tih thu an tarlang. Thenkhatin central atanga an sum dawnte an hman tawh thu an lo sawi ve bawk a, tin state tam takte chuan a bik taka hmeichhe naupangte hamthatna ngaia programme hrang hrang duanchhuaha awmte hi tun aia nasa zawka suma puihbawm nise tha an tih thu an sawi ve bawk a ni.

    Minister tam ber chuan an thuchah puanchhuahah Sarva Shikhsha Abhiyan (SSA) leh chhun chaw pek thinte hlawhtling taka kalpui tura Central lam atanga tanpuina an beisei san thu uar takin an sawi a, thenkhatin elementary education atana senso 100% chu Centre in tum se state te hian zirna sang zawk malmak ta mai se tha an tih thu an tlangaupui mek bawk a, tin SSA hi tun aia zau zawka kalpui theih hram chuan kalpui ni ta sela, a bik takin state harsa zual, Jammu & Kashmir leh hmarchhak bialte hi ngaihven deuh ni se tha an tih thu an sawi ve mek bawk.

    EDUSAT hi a hlawkin a theihna a san zia hriain Minister tam zawkte chuan Central lam atanga uplink leh downlink te tih theiha a awm thuai chu an dilin an nghakhlel hlawm hle a ni.

     6

    Human Resource Development Minister, Pu Arjun Singh chuan a thuchah khaikhawm naah Sarva Shikhsha Abhiyan (SSA) hi kan ram zirna lungphum a nih takzet thu a sawi a. Minister zawng zawngte thahnemngai taka chahin rawngbawlna tak taka ngaia an awmna state tin he programme hi hmang uar sauh sauh turin a chah. Programme kalpui nana sum chelek tur chungchangah Tenth Plan Mid Term Appraisal chhung hian Planning Commission hnena he thu hi a putluh tur thu a sawi a ni.

    Zing lama inkhawm hawnna an neihah Pu Singh-a chuan ram zirna kalphung chu hmalam pantir zel a huang zauh zel tha a tih leh a vei thu a sawi a, Sarva Siksha Abhiyan hi ram pumpui ina a thiltum thuhmun a nih avangin party hran a awm chuang lova, politics lama danglamna ten he programme hlawhtlinna hi a dal kan phal tur a ni lo, a ti. Tunah hian sikul thleng pha lo naupang nuai 81 vel an la awm a, heng mite sikul thaa kaltir vek chu SSA tum ber pawh a ni. Hemi atana senso lam pawh sawrkar chuan a ngaihtuah fel tawh nia sawi bawkin tunah hian chhiah atanga 2% chu lakhran a nih dawn avangin non-lapsable fund ah kan chhuah thei maiin a ring. SSA hlawhtlinna hi kan mawhphurhna a ni a, harsatna neuh neuh lo awm theite mai hi chhuanlamah kan siam tur a ni lova, kan chanvo te kan hlenchhuah lohna hian kan chakloh zia a tilang mai a ni, tiin Pu Singh-a hian a sawi nghe nghe a ni.

    Ram chhunga HIV/AIDS lo hluar ta chungchang sawiin he natna tihbaiawm lak ata inveng fimkhur tura thalaite kan hneh hi a hun tawh takzet a, tuna kan thawh nghel vat vat loh chuan mihring nunphung mai nilo, ram pumpui min chiah hnehin min eiral thei a ni, Pu Singh-a chuan a ti. Health & Family Welfare Ministry hian sikul naupangte zinga AIDS hmelhriattirna turin beihpui a thlak mek reng a, he programme tihlawhtling turin State Education Minister te hnenah pawh ngenna a siam bawk a ni.

    Naupang chhun chaw chungchanga pakai zelin hemi chungchang bikah hian scheme thiltum chu chhawng hnihin a kal a. Pakhatnaah naupang harsa ber berte pawhin chaw eitur tuihnai leh hrisel an lo hmuh ve theih chu niin, a pahnihnaah hetia a thlawna chhun chaw sem a nihna hian naupang sikul lut thar tam tak a lakluh belh beiseina chu a ni bawk. Chuvang chuan sikula an chhun chaw semte hi naupangten ina an hmuh thin ang thova tuihnai a nih theihna turin tan lak sauh sauh zel a ni, tiin Pu Singh-a hian a tarlang.

    Pu Arjun Singh-a hian tun hnai maia hlawhtling taka EDUSAT thlalem kahchhuah chungchang tarlangin state hrang hrangte pawhin zirna lam hawi programme benglut tak takte siamchhuak tura an theih ang ang thawha he thlalem hi a hlawk thei ang bera chhawr tangkai turin a chah a ni.

    He huna thusawi ve bawk Minister of State for Education Pu M.A.A. Fatmi chuan Central Board for Madrassa Education din tul a tih thu a tarlang a, Muslim te zirna in chi khat, Madrassa te hi a hma aia changkang zawka thuamin subject thar, science, mathematics leh computer education te chu telh nise a duh thu a sawi a. Muslim sakhaw zuitute zinga ziak leh chhiar thiamlo, Aa bik takin Muslim hmeichhiate zinga an tam bik hi Sawrkar chuan a vei hle a ni, a ti.

    He hunah hian Secretary for Elementary Education, Pi Kumud Bansal leh Education Secretary, Pu B.S. Baswan te pawhin thu an sawi a ni.

28.10.04

No. A-4/17/04-Pub/AZL 28102004 1300hrs

Report this document

For any questions or suggestions please email
cust-service@docsford.com